اليوم جايب لكم موضوع بعنوان
ليه إسم المرأة عيب ينقال عند الرجال
كثير مانسمع ونشوف قد ايش الاحراج اللي يشعر فيه بعض الرجال
وهو يتكلم مع زوجته او اخته او أمه بالجوال
وخصوصاً إذا كان في وسط رجالي
يحاول قد مايقدر يخلص المكالمة في أسرع وقت ممكن
طبعاَ يعرفون كل اللي حوله انه يكلم "وحده"
من طريقه كلامه بالرموز وبالنظرات وخفض الصوت ويحاول إنه يصرف المكالمة (ايه.. طيب .. لا )
ويتمنى الارض تبلعه ولا احد يعرف اسم امه أو اخته أو زوجته
فالرجل يعتبر اسم المرأة عيب
مايصرح فيه .. او هي عورة لابد من سترها ؟
وغالباً يستخدم الرجل عند مناداه زوجته,اخته عبارات يحاول أن يخفي
اسمها من خلالها أو اي شيء يخصها !!
كأنه قانون ينص على عدم تصريح إعلان اسم المرأة وتحريمه ...!!!
ونسى أن القرآن الكريم سبقه منذ 1400 عام بذكر اسم" مريم بنت عمران"
وجعل سورة كاملة بأسمها .
والرسول " صلى الله عليه واله وسلم " صرح بأسماء زوجاته وأبنته فاطمه الزهراء عليها السلام وبعض نساءالصحابة
في جملة من الآحاديث.
ومثل هذه التصرفات يمكن تحجب بعض من حقوق المرأة
وتجرح شعورها .. وتسيء الى أحاسيسها .
فالتصريح بأسمها على أي حال مهو محرج مثل مايتصوره الرجل
لكن هي نظرة قاصرة ودونية من الرجل اتجاه المرأة .
اذكركم بطااش ماطاااش
ولد منيره وانهياااار وحاله نفسيه بس علشاان اسم لا رآح ولا جآ ؟
ايش الفرق بين اسم الرجل والمرأة ؟!!
وكلنا نعرف إن
هذي المرأة هي الام الحنون
والمرأة العظيمة اللي توقف وراء كل رجل عظيم .
والزوجة سكن وراحة بالنسبة للرجل !!
وكله كوم ولما ينادي الواحد اخته او زوجته قدام ربعه
(يااااااااااااااابنت,,,ياهوووووووو [ياهو وإلا هوتميل]
ياولد,, هييييه ,,,,, ياهش>>كنها غنمه)ولما يسأله خويه وينك؟مع مين طالع؟
يرد عليه (مع اهلي)او يقول(مع اغراض بوديها لاهلي)
ومافي بالسيارة غير زوجته
والله في بعض الناس معقدين
واذا قال اسم اخته عند ربعه خرقوا عيونه من الخز [ياكلوو وجهه]
اللي ابي اعرفه شي واحد
لييييش كل هالاحرااااج يعني
اذا قلت اسمها كنك قايلن الرقم السري حق حسااابك بالبنك اللي به مااال قااارون
واللي بيرد علي ويقول اسم البنت عيييب قدآم الرجاال
ماضر الرسوول يوم قال اسمااء زوجاااته
الرد واقول له لا يكثر
عندي سؤالين وأبيكم تجاوبوا عليهم بصراحه :
السؤال الاول للشباب
س / ليه الاحراج لمن أحد يقولك وش أسم أمك أو......إلخ
وهل تستطيع أن تذكر أسم أمك أو......إلخ عند أصدقائك ؟
السؤال الثاني للبنات..
س / تتوقعين ليه الرجل لا يستطيع أن يذكر أسم أمه أو.......إلخ
وهل ترضين هذه المعامله من الرجال لِك ؟
بانتظار ردودكم وتفاعلكم مع الموضوع
